विशेष महाधिवेशन पक्षधरको अडान– देउवाले चुनाव लड्न नपाउने, हस्ताक्षर नचल्ने
थर्ड पोल
नेपाली कांग्रेसको संस्थापन पक्ष र विशेष महाधिवेशन पक्षबीच संवाद गर्दा विशेष महाधिवेशन पक्षधरले केही अडानहरू राख्ने भएका छन्।
दुवैतर्फका नेताहरूका अनुसार मंगलबार बिहान कार्यवाहक सभापति लाजिम्पाट एक घरमा संस्थापन पक्ष र विशेष महाधिवेशन पक्षधरका नेताहरूबीच संवाद हुँदैछ।
विशेष महाधिवेशन पक्षधरका एक जना नेताले सेतोपाटीलाई दिएको जानकारी अनुसार संवादका क्रममा विशेष महाधिवेशन पक्षधरले मुख्य गरी तीन चारवटा विषयमा अडान राख्नेछन्।
पहिलो विषय सभापति शेरबहादुर देउवासँग सम्बन्धित छ। सभापति देउवाले असोज २८ गतेको केन्द्रीय समिति बैठकमा कार्यवाहकको जिम्मेवारी उपसभापति पूर्णबहादुर खड्कालाई दिइसकेको अवस्था रहे पनि पछिल्लो समय उनी सक्रिय रहेको भन्दै आलोचना भइरहेको छ। त्यसैले विशेष महाधिवेशन पक्षधरका नेताहरूले सभापति देउवाले अब सक्रिय राजनीति छाडेर अभिभावकीय भूमिका खेल्नुपर्ने अडान राख्नेछन्।
