यस्तो छ आजको तरकारी तथा फलफूलको मूल्यसूची
थर्ड पोल
0
काठमाडौं । कालिमाटी फलफूल तथा तरकारी बजारमा तरकारी मूल्य बिस्तारै घट्न थालेको छ । आज अधिकांश तरकारी मूल्य सामान्य घटेको छ ।
आज लोकल गोलभेंडा किलोको २२ रुपियाँ तोकिएको छ भने ठूलो गोलभेंडा ७५ रुपियाँ छ । हिजोको तुलनामा लोकल १७ पैसा र ठूलो गोलभेंडा १.६७ रुपियाँले घटेको हो । त्यसैगरी हिजो १३० मा बिक्री भएको मकैबोडी १५ रुपियाँ सस्तिएर प्रतिकिलो ११५ रुपियाँमा झरेको छ ।
त्यस्तै, पाकेको फर्सी पनि घटेको छ । बुधबार ६५ रुपियाँमा कारोबार भएको फर्सी १० रुपियाँले घटेर ५५ रुपियाँ कायम भएको छ । कालिमाटीमा तितेकरेला, लौका, रायोको साग भने महँगिएको छ । हिजो ४५ रुपियाँ रहेको तितेकरेला आज ५५, ३० रुपियाँ रहेको लौका ३५ र ६५ रुपियाँ रहेको रायो साग यसदिन ७५ रुपियाँ निर्धारण गरिएको कालिमाटी फलफूल तथा तरकारी बजार विकास समितिले जनाएको छ ।
