जेलेन्स्कीको आग्रहपछि न्युयोर्कमा भेट्न तयार भए ट्रम्प
थर्ड पोल
0
अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमिर जेलेन्स्कीबीच मंगलबार न्यूयोर्कमा भेटवार्ता हुने भएको छ।
संयुक्त राष्ट्रसंघको महासभाका साइडलाइनमा ट्रम्प र जेलेन्स्कीबीच भेटवार्ता हुने तय भएको अमेरिकी अनलाइन एक्सियसयले जनाएको छ।
भेटवार्तामा रूस–युक्रेन युद्ध अन्त्य गर्ने कूटनीतिक प्रयास र पछिल्ला दिनमा बढेको सैन्य तनावबारे छलफल हुने अनुमान छ।
जेलेन्स्कीले आइतबार ट्रम्पसँग फोनवार्ता गरेपछि ट्रम्प उनलाई भेट्न तयार भएका थिए।
उनले भेटवार्ताले युद्ध समाधानका लागि भइरहेको कूटनीतिक प्रयासमा नयाँ गति दिन सक्ने बताएका छन्।
उनले रूससँग तनाव घटाउने सम्झौताका लागि ‘गम्भीर कदम’ चाल्न युक्रेन तयार रहेको पनि बताएका छन्।
ट्रम्प प्रशासनले रूस र युक्रेनलाई पारस्परिक रूपमा तनाव घटाउने कदम चाल्न लगाएर वार्ता पुनः सुरु गराउने प्रयास गरिरहेको छ।
