उच्च मूल्यबाट घट्यो सुनको मूल्य, कति पुग्यो तोलाको ?
थर्ड पोल
0
काठमाडौं । आज नेपाली सुनचाँदी बजारमा सुनको मूल्य तोलामा २ सय रुपैयाँ घटेको छ । आज सुनको भाउ प्रतितोला १ लाख ४२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ । यसअघि शुक्रबार १ लाख ४२ हजार २ सय रुपैयाँ थियो । शुक्रबारको मूल्य नेपाली बजारमा इतिहासकै उच्च हो ।
बजेटमा भन्सार दर ५ प्रतिशत विन्दुले बढेपछि नेपाली बजारमा मूल्यले शुक्रबार सबै रेकर्ड तोडेको हो । चाँदीको भाउ पनि तोलामा २५ रुपैयाँ घटेको छ । अघिल्लो दिन तोलामा १ हजार ८७५ रुपैयाँ रहेको चाँदी आज १ हजार ८५० रुपैयाँ कायम भएको छ ।
