ड्रोनभ्यूमा हेर्नुस् बानेश्वरतर्फ अघि बढेको जेनजीको जुलुस
थर्ड पोल
0
काठमाडौंको जेनजी (सन् १९९७ देखि २०१२ भित्र जन्मिएका) पुस्ताले गरेको आन्दोलन बानेश्वरतर्फ अघि बढेको छ।
सोमबार बिहान ९ बजेदेखि सुरू भएको आन्दोलन अहिले बानेश्वरतर्फ अघि बढेको हो। उनीहरूको प्रदर्शन माइतीघरदेखि बानेश्वरसम्म पुग्ने योजना छ।
तर निषेधित क्षेत्र नतोड्ने बताइएको छ।
माइतीघरमा उनीहरूले 'गाउँ-गाउँबाट उठ बस्ति-बस्तिबाट उठ', 'जाग लम्क चम्क है नौजवान हो', 'यो नेपाली शीर उचाली' जस्ता देशप्रेमले ओतप्रोत भएका गीतहरू बजाएर सँगसँगै गाएका थिए।
सँगै 'वी आर द मुभमेन्ट, वी फर दि मुभमेन्ट' जस्ता नाराहरू लगाएका छन्।
सरकारले सामाजिक सञ्जाल बन्द गरेको र भ्रष्टाचारको विषयलाई उनीहरूले प्रदर्शनको मुख्य एजेन्डा बनाएका छन्। यी तस्बिरहरू सोमबार बिहान सवा ११ बजेतिर खिचिएका हुन्।
