खाजा घरमा नाबालिकाहरुलाई वेश्यावृतीमा लगाउने इलामकी चिनीमायालाई १० बर्ष कैद
थर्ड पोल
खाजाघरमा नाबालिकाहरुलाई वेश्यावृतीमा लगाउने कार्यमा संलग्न रहेको अभियोगमा काठमाडौं टोखा नगरपालिका–९ बस्ने ईलाम माई नगरपालिका-७ घर भएकी २८ वर्षीया चिनी माया लामा लिम्बुलाई अदालतबाट १० वर्ष कैद निर्धारण भएकाे छ । लिम्बुले २ जना नाबालिकालाई काठमाडौं टोखा नगरपालिका-९ मा संचालन गरेको खाजा होटलमा ग्राहकहरूसँग प्रतिव्यक्ति १ हजार रुपैयाँ नगद लिई वेश्यावृतीमा लगाउने गरेको आरोप छ ।
उनले नगद आफूले नै राखी पीडितहरूलाई खाना मात्र खुवाई जबरजस्ती वेश्यावृतीमा लगाउने गरेको थियो । बाहिर कसैलाई बताएमा ज्यान लिने डरत्रासमा पारी बन्धनमा राखेको अवस्थामा मानव बेचबिखन अनुसन्धान व्यूरो बबरमहलबाट खटिएको प्रहरीले शक्ति समूहको सहयोगमा जेठ १३ गते उद्दार गरेको थियाे ।
उनलाई भएपछि मानव बेचविखन अनुसन्धान ब्यूरोको टोलीले बिहीबार टोखाबाट पक्राउ गरेर अनुसन्धानपछि कारागार कार्यालय, जगन्नाथदेवल पठाएको छ ।
